حبر وحكاية
شعر وقصص قصيرة وروايات، وأغاني من الشعر .
بقلم محمود أحمد عبدالفتاح
شاهد حتى النهاية
الفصل الثاني
عم ربيع ..
أيوه ي سعد فيه أية..؟
أنا كنت عايز اقولك حاجه عارف أنه مش وقتها بس أنا محتاج اتكلم .
قول ي سعد فيه أيه ..!
أنا عايز اتجوز ناهد ي عم ربيع ...
انت بتقول أيه ي سعد انت شايف ده وقته ولا ينفع اللى بتقوله ده ناهد زى أختك ومش هترضى بحاجه زى كده ناهد بنت ناس ي سعد .
قصدك أيه ي عم ربيع .... أنا اه مفيش عندى أهل ولا أعرفهم بس أنا مليش ذنب فى ده أبدا اتولدت واترميت فى شارع فى سن يوم تحت كوبرى ومفيش حد سئل عليا أنا أكيد ابن ناس ي عم ربيع بس ناس قليلة أصل متستاهلش ...
آسف يبنى مش قصدى بس ناهد مكملتش سنه هنا معانا وممكن فى اى وقت أهلها يرجعوها وهى دلوقتى فى مشكله مش شايفه غيرها بس ومش هتفكر فى اى حاجه طول ما ابنها بعيد عنها .
معاك حق ي عم ربيع انا الهوى أخدنى شويه وخلانى حلمت حلم اكبر منى ..
ألو ...
أيوة ي سميحه ..
مبتردش من امبارح ليه ي حسام.
كان عندى شغل وكنت فى امتحان علشان ابقى مستشار رسمى .
مبروك ي حبيبى مش هتيجى تشوف سيف ابنك ..!
جاى النهارده إن شاء الله.
ماشى ي حبيبى هستناك .
ألو ....
أيوه ي سيادة المستشار مبروك ي حسام بيه .
الله يبارك فيك ي خالد ... عايزك تروح البنك وتسحب 5 مليون .
حاضر ي حسام بيه بس المبلغ مش كبير شويه ..!
لا مش كبير ... وحضر المكتب علشان فيه ناس مهمه جايه النهارده على الساعه 7 بالليل .
تحت امرك ي حسام بيه.
دنيا حبيبتى .
عامل أيه ي بابا ..؟
الحمد لله .. وحشتينى ي دكتوره ... هى ماما لسه مرجعتش ولا أيه. ؟
لسه كلمتنى امبارح وقالت هتيجى النهارده .
ماشى ي حبيبتى شدى حيلك بقى مش عايزه تفرحينى وتحققيلى حلمى .
إن شاء الله ي بابا .
هدى ..
نعم ي حسام بيه ..؟
ابعتيلى عم عوض على مكتبى .
تحت امرك ي بيه .
ادخل ي عم عوض .
نعم ي حسام بيه ..!
اقعد بس ي راجل انا عايزك فى كلمتين ... البت هدى قالتلى انه الحاله ضيقه معاك شويه الايام دى .
الحمد لله ي حسام بيه مستوره والله .
انت بتنزل بلدك كام يوم ي عم عوض ؟
أسبوع كل شهرين ي بيه .
طب انا عندى ليك عرض هيساعدك شويه تغير حياتك .
عرض ليا انا ي بيه !
أيوه ي عم عوض بس اللى قدامك دى شهادة ميلاد تمنها 500 ألف جنيه ..
500 ألف كيف ي بيه ..!
هفهمك ي عم عوض الموضوع بسيط جدا الشهاده دى لطفل اسمه سيف عوض سالم الغريبى يعنى ابنك ... ومن غير ما تتكلم
الشهاده دى مزوره يعنى ملهاش لازمه هتخليها معاك وهتاخد 500 ألف .
ي حسام بيه الله يسترك انا مش عايز اخرب بيتى .
اسمع ي عوض انت كل اللى هتعمله هتخلى الشهاده معاك مفيش اى أذى نهائى متخافش .
حاضر ي بيه .
اه صح ياريت تفضل فى بلدك بقى وتشتغل اى حاجه هناك اعتقد الفلوس دى مش هتخليك تشتغل جناينى تانى .
تحت امرك ي بيه .
وبلاش حد يعرف اى حاجه بينا ي عوض لو خايف على حياتك وحياة عيالك .
خلاص كده ي حسام قطة شطرنج وحده لو حركتها تقفل اللعبه كلها ...انا مش مصدق نفسي من حتة محامى مبتدأ عايش تحت طوع اى حد لمستشار وقريبا الملك اللى هيحكم كل حاجه وداعا لحياة الضعفاء ..
دنيا حبيبتى .!
نعم ي بابا .!
انا هخرج دلوقتى عندى مشوار ضرورى ولما ماما ترجع عرفيها إنى مش هتأخر .
حاضر ي بابا.
نادر .!
نعم ي خالد..
أناعايز اتكلم معاك شويه .؟
ماشى يلا .
أنا شايف إنك مبقتش مهتم ودخلت نفسك فى حوارات أكبر منك بكتير وهتأذى نفسك لأنك مش قد الناس دى أنت مجرد لعبه هم بيلعبوا بيها وصدقنى بقولك الكلام دا علشان انت صاحبى بس فكر تانى كويس وراجع نفسك بلاش تدخل جوه اللعبه علشان متطلعش خسران كل حاجه.
بص ي خالد أنا للأسف خلاص بقيت جوه اللعبه ولازم ابقى قدها متقلقش أنا قد أى حاجه ومش سهل حد يعرف يضحك عليا ركز أنت مع نفسك ومع الحته بتاعتك ...
قصدك أى..!
قصدى ساره ... شوفت أنا واصل لحد فين علشان كدا مفيش حد يقدر يكسرنى سلام.
حسام انت جيت .!
أيه رأيك فى المفاجأة دى بقى ..!
كويسه ...
مالك ي سميحه..؟
خايفه من المكان اللى عايشه فيه وعامل زى الكهف ده خايفه على سيف عايزه ارجع اعيش وسط الناس من غير خوف لحد امتى هفضل انا وابنى مسخبيين كده ..؟
عندى ليكى مفاجأه حلوه ... دى شهادة ميلاد سيف حسام الراوى وبكره الصبح أنا هاجى أخدك أنت وسيف وترجعوا تعيشوا حياتكوا الطبيعيه فى شقة جمب المكتب بتاعى كمان علشان اقدر اطمن على سيف وقت ما أحب براحتى.
بجد ي حسام ... ربنا يخليك لينا يا رب وأشوفك أنجح واحد فى الدنيا كلها .
ألو ...!
أيوه ي نادر أى الأخبار .
زى الفل ي سيادة المستشار .. زكريا المكرمى براءه رسمى وكل الأخبار بتتكلم على مجهودك فى القضيه وازاى قدرت تحول مسار القضيه خالص .
كله بفضل شغلنا وعلاقاتنا اللى قدرت تغير كل الأدلة ولسه اللى جاى أحسن ... بلغ كل التيم أنه فيه بكره احتفال فى المكتب
بمناسبة فوزنا بالقضية واحتفالية كبيره كمان وكل واحد يجيب اى حد من أهله أو اصحابه .
تمام ي سيادة المستشار هعملك حفلة متعملش زيها أبدا ويبقى الاحتفال بالفوز بالقضية وبالاستشارية لحسام بيه الراوى.
ماشى ي نادر يلا سلام .
مين حضرتك ..؟
أنا ناهد مصطفى .. عايزه حسام بيه .
خير فيه حاجه نقدر نساعدك بيها .... هو لسه موصلش المكتب ..
عايزه ارفع قضيه .
طيب اتفضلى حضرتك وأنا هأخد منك شوية بيانات وهعملك اللى عايزاه.
لا أنا هستنى حسام بيه .
تمام يفندم اتفضلى وأنا هبلغه.
ألو ..!
عامل أيه ي خالد..؟
الحمد لله ي ساره ... أنتى اخبارك أيه ..؟
الحمد لله بخير.
عايز اقولك حاجه ... فيه احتفال فى المكتب عندنا بكره إن شاء الله بمناسبة فوزنا بأهم قضية فى البلد وكمان بمناسبة حصول حسام بيه على الاستشارية.
تقصد قضية المكرمى ... اللى هرب آثار من البلد وكل تاريخه فساد .. عايز تسمى ده مكسب ي خالد ... أنا عارفه إنه دى مش مبادئك وإنك بتتدرب فقط بس خايفه تتعلم منهم ي خالد وتبقى زيهم .
ساره أنتى بتقولى أيه أنا اكيد مش هتغير وبعدين أنتى شايفه الموضوع من بره بس لكن لو انتى داخل الموضوع هتعرفى إنه شغلنا كله قايم على أدلة وحقايق .
خالد كفايه أنا اصلا مش هحضر الاحتفال ده سلام .
وبعدين ي ساره هتفضلى دايما عنيده كده ... بس هعمل أيه بحبك .
خالد ..!
نعم ي نادر .
مين الست اللى جوه دى .
دى وحده عايزه حسام بيه علشان قضيه.
طب ما تشوف شغلك .
هى مش عايزه تتكلم غير مع حسام بيه بس .
طب خلاص أنا هكلمه وأبلغه.
أنتى جيتى ي ماما ..!
أيوة ي حبيبى فين باباكى..؟
خرج راح المكتب وقالى مش هيتأخر.
ماشى ي حبيبتى مستعده للإمتحانات كويس ولا لا ..؟
إن شاء الله ي ماما.
ربنا يوفقك وتبقى دكتوره قد الدنيا.
ألو ..!
سعاد هانم أخبارك أيه ؟
حسام عندك فى المكتب ي نادر ..!
لا حسام بيه لسه موصلش بلغنا أنه جاى فى الطريق.
طيب خليك متابعه وعرفنى لو فيه جديد.
حاضر ي هانم.
سعد ..!
نعم ي عم ربيع.
ما تخرج تدور على ناهد يبنى اتاخرت واحنا مش عارفين هى فين .. اخرج شوفها خايف يكون حصل ليها حاجه ... دى بنت ناس والدنيا كتبت عليها المرمطه والعذاب ده كله.
حاضر ي عم ربيع هروح أشوفها كده وارجع .
ربنا يرجعكوا بخير يبنى.
حسام بيه فيه وحده مستنياك فى المكتب ومصممه تقابلك.
اعملى قهوة ي خالد ودخلها.
حاضر ي حسام بيه.
بعتذر على التأخير ... حسام بيه وصل تقدرى تدخلى تشوفيه.
السلام عليكم .
وعليكم السل...ام ... اتفضلى.
عارفه إنك مستغرب من حالتى وازاى وحده زيى تيجى لمحامى مشهور زيك ... بس انا قضيتى كبيره اوى ومحتاجه محامى كبير زيك واللى أنت عايزه هعمله بس أرجوك ساعدنى ...
فهمينى الموضوع طيب وانا هحاول أساعدك ..!
أنا ابنى اتخطف منى أنا عايشه فى الشارع من غير بيت وفيه واحد استغل ده وسرق ابنى تائب لسه مولود مكملش أسبوع حتى ي بيه ..
طب أنتى شاكه فى حد مثلا أو تتوقعى مين يكون عاملها ..؟
مش عارفه ي بيه أنا عايزه ارفع قضية والشرطه تدور عليه والناس كلها تدور وتساعدنى انا مليش غيره ده روحى فى الحياه.
طيب انا هخلى واحد من المساعدين ياخدوا شوية بيانات عنك وبكره هستناكى فى المكتب بعد المغرب اعرفك هنعمل أيه ..
حاضر ي بيه ربنا يكرمك وينجحك يارب ويسترك.
خالد ..!
نعم حسام بيه.
تابع مع المدام واعملى ملف للقضيه وحطه على مكتبى.
تحت امرك ي بيه.
حسام نورت بيتك .
طمنينى ي سعاد حمايا نافع بيه صحته عامله أيه دلوقتى ..!
الحمد لله حالته استقرت وبقى كويس.
ربنا يطول فى عمره يارب.
مبروك قضية المكرمى ... كده رسمى نقول مبروك سيادة المستشار حسام بيه الرواى.
كله بفضل حمايا الغالى ربنا يباركله.
وبعدين بقى ي حسام ... هتخلص من الدوامه دى امتى .. أنت دلوقتى بقا معاك السلطه وكل تقوله تقدر تعمله فورا ... هى
المتشرده دى ممكن تكون عرفت حاجه ولا يكون الراجل العجوز ده قالها حاجه ..! اخلص منهم الإتنين ..! عايز أوفر المجهود ده للخطه الكبيره دول امرهم سهل بس بردو ممكن يعملوا صداع على الفاضى ... نام ي حسام وبكره أكيد كل شئ هيتحل.
ناهد يبنتى أنتى بتعملى فى نفسك ليه كدا كنتى فين كل دا .. قلقتينى عليكى .
مش بخير يعم ربيع .. ومش هكون بخير غير لما الاقى ابنى .
ربنا يجبر بخاطرك يبنتى ويردلك ابنك لحضنك من تانى.
انا روحت لمحامى كبير اسمه حسام الراوى وهرفع قضيه وان شاء الله هلاقيه .
ملقيتش غير المحامى ده يبنتى ..!
ده أكبر محامى فى البلد وانا عايزه أوصل لإبنى بسرعه قلبى بيتقطع عليه .
بس احنا مش قد الراجل ده ابدا .. وهنجيب فلوس منين ليه ..؟
ربنا ييسرها ي عم ربيع المهم تائب يرجعلى.
ألو ..!
حد يكلم حد فى الوقت ده ي سميحه .!
نافع بيه بعت حد يطمن عليا وعلى سيف ... أنا قلقانه ي حسام.
أنتى بتقولى أيه ... طيب أنتوا كويسين ..! فيه حد عملكوا حاجه ...!
هو سئل عننا ومشى قالى نافع بيه باعت السلام.
ماشى اقفلى وانا هعدى عليكى بالليل.
انت رايح فين بدرى كده ي حسام ..!
نازل المكتب عندى شغل مهم وضرورى.
طيب استنى افطر الأول.
لا هفطر فى المكتب مفيش وقت.
منمتش طول الليل .. بالى مشغول بساره اللى زعلانه منى ما صدقت النهار طلع علشان ابعتلك الرساله دى طالما مش عايزه تردى على مكالماتى ...
ألا يا ساهر الليل، قل لي، كيف تصفها؟
وهي البدر في تمامه، لا عيب يعيبها.
حسناءُ، قُدّت من طُهرٍ، نقيةٌ سُررها.
تمشي على الأرض سترًا، والملائكة تُعجبها.
يا أيها الواصف، كيف تصفها؟
وقد عجزت الحروف أن ترسمها.
هي القصيدة التي كتبتها،
وهي المعنى الذي لا نهاية له.
دى لكاتبك المفضل والصراحه عندك حق هى وصفت حالى طول الليل اتمنى متزعليش وأنا هخلص شغل واكلمك نتصالح.
حسام بيه جاى المكتب بدرى فيه حاجه ولا أيه ..؟
خليك فى مكتبك ي خالد وشوف شغلك.
حاضر ي بيه.
وكلم نادر يجى فورا .
تحت امرك ي حسام بيه.
خير ي حسام بيه طلبتنى بدرى كده فيه حاجه ولا أيه ..؟
نادر أنت عندك ولاء ليا وللصحوبية اللى بينا ..!
أيه ده ي سيادة المستشار انت مصحينى من بدرى علشان تعرف معزتك عندى قد أيه ..!
رد ي نادر وبصراحه وبطل لف ودوران ...
أكيد ي حسام بيه أنت اخويا الكبير وانا دراعك اليمين ....
يبقى لازم تثبتلى ده ي نادر .
أنت عايز أيه وأنا اعمله فورا ..؟
مراتى سعاد بتخونى ي نادر .. تخيل .! عايز اوقعها أنا كده كده وصلت للى عايزه من حمايا العزيز ومبقاش فيه لازمه ليهم عندى.
حسام بيه أنت متأكد من اللى بتقوله انت كده بتضيع كل حاجه وبتهد كل اللى وصلتله فى لحظه.
هيتهد عليهم ي نادر .. انا خلاص بقيت على القمه ومفيش حد هيعرف ينزلنى تانى .
انا مش هقدر اسيبك بس خليك فاكر إنى نصحتك.
عايز منك طلبين دلوقتى حالا ... اول طلب انا كلمت المكرمى على صفقة آثار عايزك تكلم سعاد وتقولها إنك هتاخدها من ورايا وتقسموها وتوقعونى بيها .. وانا هسجل المكالمة من وقت ما هى تقول إنها صفقتها هى .
حسام بيه ..!
متقلقش ي نادر أمان مش هسيبك ... تانى طلب عايزك تكلم
صاحب العماره يطرد الاستاذ هانى اللى فى شقة 3 فى الدور التانى علشان عايزها لحد تبعى.
عايز الكلام دا امتى ..؟
دلوقتى ي نادر هننفذ كل حاجه.
رايحه فين كده ي ناهد يبنتى ..؟
رايحه مكتب المحامى اتابع معاه القضيه بينا معاد النهارده.
طيب خدى معاكى سعد علشان مقلقش عليكى.
حاضر يعم ربيع.
اخيرا رديتى ..!
ما انا اتصالحت خلاص .. بس مش هحضر بردو الحفلة.
مش مهم الحفلة المهم إنك تكونى دايما مبسوطه .
انا اصلا بحبك على أنت طيب وقلبك حنين .. مش لايق عليك محامى خالص أنت ممكن تبقى دكتور عيون.
انا اصلا اتعلمت الطيبه دى منك أنتى عندك طيبة الدنيا كلها ...
بمناسبة العيون بقى
عينان كأنهما ليلان يغازلان القمر.
وإن ضحكت أشرقت شمسٌ وسكت القدر.
عسليةٌ النظرة إن رمقتك وقعت في الأسر.
فكيف للروح ألا تخضع والهوى يعبر؟
ايه ده أنت شكلك قرأت كل كتاباته بقى..
أى حاجه هتحبيها لازم احبها علشان عينى متشوفش غير حبك واللى بتحبيه.
طيب اقفل بقى علشان عندى امتحان .
ربنا يوفقك يارب وإن شاء الله قدها.
حسام بيه موجود ..!
ايوه اتفضلى مستنى حضرتك فى المكتب .
حسام بيه ..! ناهد اللى حضرتك سايبلها معاد.
دخلها ي خالد.
اتفضلوا ..
ده سعد عايش معانا وزى اخويا وأعز كمان.
أهلا .. تشربوا أيه ..؟
ولا حاجه احنا بس عايزين نعرف هنعمل أيه ..!
بصى أنا حضرت ملف كامل هرفع بيه قضية والشرطه هتشوف شغلها وتدور وكمان وفرت ليكى سكن فى العماره اللى جمب المكتب على حسابى تقدرى من بكره تكونى فيها وكمان تقدرى تشتغلى فى المكتب بتاعى وتصرفى على نفسك وعلى أتعاب القضية ... أيه رأيك فى الكلام ده ..؟
بس ده كتير كل ده مقابل أيه ..!
انا عندى بنت ومقدر شعورك لما تفقدى ابنك او بنتك بيكون قلبك عامل ازاى علشان كده قررت أساعدك وبردو هوجه الإعلام فى القضية وده هيساعدنا نوصل لإبنك فى أسرع وقت.
انا بجد مش عارفه اشكرك ازاى ربنا يباركلك ويوقفلك ولاد الحلال ... موافقة على حاجه تطلبها وتحت امرك ي بيه.
ألو ..!
دنيا عامله أيه ..؟
الحمد لله .. انتى عامله أيه ي ساره ..! الحب واخدك منى خالص.
مين قال كده احنا كل يوم مع بعض اهو بس كنت مرهقة شويه.
طيب بمناسبة الامتحانات اللى خصلت مش هنخرج مع بعض شويه كده وبالمرة نروح نقدم فى اختبار القدرات بتاع كلية الفنون ..؟
انتى بردو مصممه تعملى اللى فى دماغك ... ابوكى سيادة
المستشار مش هيسكت خالص على حاجه زى دى.
متخافيش أنا بنته وبعدين أنا حره أعمل اللى عايزاه.
خلاص ي صاحبى نخرج إن شاء الله وبالمره احكيلك خالد صالحنى ازاى وعملنا أيه.
ماشى أنا متحمسه اشوفك بكره إن شاء الله.
سلام.
حسام ..!
نعم ي سعاد فيه أيه ..؟
بنتك انا سمعتها بتتكلم فى التليفون وعايزه تروح تقدم فى كلية الفنون ... البت دى شكلها عايزه تضيع حلمنا .!
سبيها ومتعرفيهاش حاجه وأنا هتصرف.
بس أوعى تأذيها ي حسام بالراحه وبالعقل كده.
هى بنتك لوحدك ولا أيه ي سعاد متخافيش عليها.
بص ي أستاذ هانى انا عايز ابلغك أنه لازم من بكره الصبح تسيب الشقه دى وتشوف شقة تانيه.
أيه الكلام ده ي حاج إبراهيم ..! أيه اللى حصل للكلام ده ..؟
الصراحه سيادة المستشار حسام كلمنى عايز الشقه ودفع فلوسها وبزياده كمان وانا مقدرش أرفض طلبه.
بس أحنا دافعين الإيجار لآخر الشهر وساكنين هنا من ٢٠ سنة هنمشى نروح فين ..!
معرفش بقى يأستاذ هانى دى مش مشكلتى وإيجارك هيرجعلك كامل كمان.
عملتوا أيه ي حبايبى ..؟
الراجل المحامى ده طلع محترم بزياده ي عم ربيع قبل القضيه وكمان وفر لناهد شغل وشقة كمان على حسابه على تصرف على نفسها.
اه والله ي عم ربيع راجل محترم علشان كده ربنا رزقه من وسع ربنا يديم عليه نعمته.
يارب.
يا ترى بتفكر فى أيه ي بيه شكلك مش سهل أبدا ومش ناوى على خير من أمتى الطيبه دى .. ده انت اللى قاتل القتيل وهتمشى فى جنازته وتعيط كمان ..! ربنا يسترها عليكى ي ناهد يبنتى.
ألو ..!
مالك ي ساره ... صوتك ماله ..؟
شوفت ي خالد كلامى طلع كله صح المستشار بتاعك طردنا من الشقه علشان عايزها شوفت إنى كنت صح صدقنى ي خالد
مسيرك هيجى عليك اليوم طالما مصمم تبقى مع الناس دى .
اهدى ي ساره وأنا هتصرف مش هسيبكوا أنا .
هتعمل أيه ي خالد ..! أحنا بقينا فى الشارع وكله علشان سيادة المستشار علشان يبقى مبسوط.
هقفل معاكى دلوقتى وهكلم باباكى.
ألو ...!
أيوه ي خالد فيه حاجه فى الشغل ولا أيه ..؟
لا الشغل تمام ي حسام بيه بس الشقة اللى حضرتك عايزها دى بتاعة الاستاذ هانى ..
مالها الشقه ..!
ملهاش عايز اعرف ليه الشقه دى هم عايشين فيها من زمان وليه دى بالذات ..؟
من امتى والشغل فيه ليه ي خالد ..! اعتقد دى حاجه مش هتفيدك بشئ .
هتفيدنا علشان أنا هناسبهم قريب إن شاء الله .. واتمنى تقبل استقالتى نهائى.
ألو ..!
ايوه مين معايا ..؟
معاك خالد معتصم ي أستاذ هانى .. انا بعتذر لحضرتك على اللى حصل وهبعت لحضرتك عنوان تيجى عليه.
عنوان أيه ده ..؟
لما تيجى هتعرف إن شاء الله.
عميد الجامعه موجود ..!
ايوه ي فندم اقوله مين .؟
قوله المستشار حسام الراوى .
اتفضل ي فندم هو مستنيك .
أهلا حسام بيه نورتنا ... اخدم حضرتك ازاى ..!
بنتى دنيا حسام الراوى قدمت فى اختبار القدرات عندكوا علشان عايزه تدخل الكليه هنا.
اعتبرها نجحت واخدت شهادة التخرج كمان ي حسام بيه.
اسمعنى .. أنا مش عايزها تدخل يعنى سقطوها فى اختبار القدرات اكيد مكانها فى كلية احسن .
تحت امرك ي بيه بس جامعتنا هنا ليها وضعها وبتقدم فرص كتير للخريجين ...
كفايه كلام لو بنتى دخلت الجامعه هنا هقفلها.
إن شاء الله يعم ربيع اول لما اروح هكلم البيه تيجوا تعيشوا معايا ... مش هقدر ابعد عنكوا انت وقفت معايا اكتر من ابويا نفسه ياريت كنت انت ابويا بجد .. انا صحيح مليش اخوات ولاد بس سعد بقى أكتر من اخويا.
هتوحشينا والدنيا هتبقى وحشه اوى من غيرك يبنتى ... جيتى فى الفتره الصغيره دى غيرتى حياتنا خالص وبقيتى احسن ما فيها.
ألو ..!
ايوه ي دنيا فيه حاجه ولا أيه ؟
هى ساره فين انا روحت البيت مفيش حد وبكلمها مش بترد عليا.
ساره وباباها عندى فى البيت .
انت اخدت خطوه ونسيتوا تعرفونى ولا أيه ..!
لا لسه بس معاهم مشكله بحاول احلها ليهم .
طيب انا فى طريقى للجامعه كده وهرجع اشوفكوا ..
لو سمحت ..!
نعم ؟
انا عايزه اعرف نتيجة اختبار القدرات بتاعتى انا وصحبتى ..؟
اسمك أيه ؟
دنيا حسام الراوى و ساره هانى محمد.
دنيا سقطت وساره نجحت.
ازاى ده مستحيل ..! راجع تانى معلش .
يبنتى الكشف اهو .. ربنا يعوضك خير .
معلش انا عايزه أقابل العميد .
اطلعيله المكتب .
ألو ..!
أيوه فيه حاجه ولا أيه ..!
فيه ي حسام إنك نسيتنا ومبقتش تسئل فينا ولا انا ولا ابنك وخلفت كل وعودك معانا.
سميحه انا مش فايق ولا ليكى ولا لإبنك ده كمان.
حسام أنت بتتكلم كده ليه .. لو ناسى انا ممكن اشتكيك وارفع عليك قضيه وافضحك قدام الدنيا كلها ..!
معاكى شهادة الميلاد روحى اشتكى بيها.
نادر ..!
ايوه ي حسام بيه.
عايز منك طلب كمان ..!
تحت امرك ي سيادة المستشار.
بكره قبل الفجر بساعتين هتطلع الشقه اللى طلبت منك تشتريها هتلاقى فيها الست اللى بتيجى هنا المكتب هتحدفها من البلكونه وتنزل من غير ما حد يشوفك .
حسام انت كده بتضحى بيا ولا انت مش واخد بالك ..!
نادر انت مش واثق فيا ولا ايه ..! متخافش المقصود اللى خرج من البيت .
مبقتش فاهمك .. انت اتحولت خالص.
نفذ وهفهمك.
مين ..!
انا دنيا ي خالد.
تعالى ي دنيا .. اتفضلى.
فين ساره ..؟
جوه تعالى.
مالك يبنتى بكلمك مش بتردى عليا ليه ؟
هرد عليكى ليه ي دنيا .. حضرة المستشار مش عاجبه حالنا ومستقل بينا مننفعش نبقى اصحاب اصلا.
ساره انتى ليه بتقولى كده .. هو حصل أيه .. حد يفهمنى فيه أيه ي خالد ..؟
هدى ..!
نعم ي حسام بيه .
فيه واحد نص ساعه هيكون هنا .. دخليه المكتب علطول من غير ولا كلمه ومتعرفيش أى حد اى حاجه فاهمة .!
حاضر ي بيه تحت أمرك.
انا مش عارفة هو بابا عايز منى أيه بالظبط .. حتى عميد الجامعه قالى إنه هدده علشان ميبقلنيش فى الجامعه وإلا يقفلها ويضيعهم ودلوقتى صحبتى ...
دنيا انتى ملكيش ذنب ساره بس متعصبه شوية وقالت كلامها وقت غضب .. انتى مغلوب على امرك وربنا يعينك على أهلك ..
ومتقلقيش ساره وباباها هيفضلوا عندى انا اصلا عايش لوحدى والبيت دورين .
خلى بالك منهم ي خالد وانا هساعدكوا فى القضية اللى رفعتوها علشان البيت .
حسام بيه طلبك تم وهى دلوقتى فى المستشفى بتودع الحياة.
جدع ي نادر هديك مكافأه كبيره اوى لما ارجع.
كله من خيرك ي سيادة المستشار.
ألو ..!
حسام بيه أخبارك ..؟
زى الفل ي عزيز بيه .. ليك وحشه والله .
انت اكتر ي راجل .
انا كنت عايز أبلغ عن صفقة آثار هتتهرب النهارده هبعتلك تسجيل صوتى باعترافات العصابه.
ازاى ده .. ابعته وانا هتابع القضيه بنفسى وهمسكهم لا محاله .
ثوانى هيكون على تليفونك.
فى الانتظار ي سيادة المستشار.
فيه حاله دخلت المستشفى عندكوا اسمها ناهد وقعت من البلكونه ..!
اه فى غرفة الرعايا .. حالتها صعبه اوى .
طب ممكن ادخل اشوفها ..؟
اتفضل ولو تعرف اهلها أو اى حد حابب يودعها لأنها خلاص فى بتودع للأسف .
اهلا ..
عارف انت عايزه تقوليلى اخد حقك انتى كمان من اللى حاول يقتلك بس متقلقيش هرجعلك ابنك وأخد حقك كمان ... ما انتى كنتى عايشه لازم تقعدى تدورى وتنكشى فى كل حاجه ابنك كان هيبقى مشرد وأنا اخدته وخليت ليه بيت وأهل عايزه تعرفى انا خدته ازاى ..؟ هحكيلك .. الحظ حطك قدامى وكلمت عم ربيع أيوه اللى بتعتبريه زى ابوكى ده ولما شاف الفلوس مقدرش يقول لا وفى المستشفى كلمت الممرضه تعرف شكل ابنك وتحاول تغير ابن سميحه لنفس الشكل بالمكياج كده علشان متعرفش تفرق بينهم وبعدين أخدت ابنى من سميحه وسفرته وهى دلوقتى معاها ابنك بس للأسف حظه وحش زيك وشكله هيرجع للشارع تانى ..
صحيح ما هو أصله الشارع اكيد مش هيحس بالغربه.
للأسف ي فندم الحاله خلاص ماتت وعايزين نقفل المحضر.
أنا عارف الحاله وممكن اساعدكوا .. الحاله دى جت من كام يوم علشان ارفع ليها قضيه علشان ابنها تايه منها وشغلتها عندى لما لقيتها محتاجه وصعبت عليا وشوفتلها شقة فى العماره اللى جمب مكتبى .. بس شاكك الناس اللى كانوا ساكنين الشقه قبلها هم اللى عملوا كده وقتلوها لما اخدت شقتهم .
تمام شكرا ي حسام بيه .
بابا .. كويس إنه رجعت فيه ناس جت اخدت ماما وبيقولوا إنها هربت آثار.
امتى ده ي حبيبتى ..! وازاى .!
لسه حالا .. ارجوك ساعدها ي بابا عايزه اشوفها .. ماما عمرها ما تعمل كده.
انا هروح اشوف الموضوع ي حبيبتى واكيد فيه سوء تفاهم فى الموضوع.
عم ربيع .. عم ربيع ..!
فيه أيه ي سعد ؟
ناهد اتقلت ي عم ربيع .. ناهد اتقلت .
أنت بتقول أيه ي سعد ...
عم ربيع ..! مالك ي عم ربيع ..! حد يلحقنا ... عايزين اسعاف.
حسام بيه ..!
فيه أيه ي هدى .
جالك إخطار بجلسه فى قضية ضدك من سميحه بتطالبك بالنفقة .
ماشى ي هدى روحى انتى شوفى شغلك .
خالد انت متأكد إنه القضية اللى رفعتها دى هترجعلنا حقنا ؟
على الاقل هترجعكوا الشقه لآخر الشهر .
انا خايفه المستشار اكيد مش هيسكت.
متخافيش ي ساره انا عارف بعمل أيه ده شغلى.
مين بيرن الجرس ..!
استنى هشوف .
الاستاذ هانى محمد هنا ..؟
ايوه ي فندم موجود .
مطلوب معانا فى القسم .
خير ياباشا عمل أيه ؟
متهم فى قضية قتل .
قتل ..! بابا عمره ما يقتل والله حد ي باشا والله تلفيق .. منك لله ي حسام بيه شوفت أخرت شغلك ي خالد والله حرام عليكوا مش هسامح حد فيكوا .. حسبى الله فيكوا كلكم .
اهدى ي ساره علشان خاطرى .. اهدى علشان نعرف نتصرف .
حضرتك أنا المستشار حسام الراوى والقضية بتاعة مدام سميحة غير صحيحة بالمرة كلها كذب .. انا عايز اعمل طعن فى صحة شهادة الميلاد اللى قدمتها واجو عمل تحليل DNA للطفل للتأكد من هوية الطفل .
وأنا موافقة ي حسام بيه .
للأسف الحاله توفت .. سكتة قلبية .. البقاء لله .
ربنا يرحمك ي عم ربيع .. هعيش ازاى من غيرك قلبك مفيش اطيب منه ناهد اعتبرتها زى بنتك وموت بعدها بس سبتنى أنا للحياة للوحدى اتعذب على فراقكم .. ربنا يرحمكم ويرزقكم الجنه .
الو ..!
ايوه ي ساره عامله أيه دلوقتى ؟
دنيا أرجوكى ساعدينى قولى لأبوكى يرحمنا والله احنا راضيين وهنعيش فى الشارع خلاص بس بلاش بابا والله عمره ما أذى حد هيقتل ازاى بس والله تعبان ومش هيقدر يقعد فى السجن يوم واحد .
أنتى بتقولى أيه ي ساره ..! عمى هانى لا يمكن يعمل كده .. انا هكلم بابا حالا.
مشرفين والله والسجن نور ببكوا .
حسام .. اللى بتعمله ده غلط انا مراتك .
مرات مين انتى وأبوكى نافع بيه استغلتونى وإنى اقل منكوا
وخليتونى عبد أنفذ كلامكوا دلوقتى بقيتى مراتى .. وانت صاحبى ودراعى اليمين بعتنى ليها اول لما شوفت الفلوس طلعت لسانك زى الكلب بس انا كنت جدع معاك لآخر لحظة مش وعدتك بمكافأه اعتقد مفيش مكافأة تساوى ١٥ سنة سجن مع الرأفه .
ألو ..! دنيا بنتك حاولت الانتحار.
ازاى ده حصل وهى فين دلوقتى ..؟
مستشفى القصر قسم الرعايا .
انا جاى حالا.
دنيا بنتى فين ؟
للأسف ي فندم الحاله توفت البقاء لله .
دنيا عايشه مين اللى طلب منكوا تقولوا ليا كده .. مين دفعلكوا علشان تعملوا كده .. انا هوديكوا كلكوا فى داهية مش هرحم حد .
اهدى ي فندم وحاول تتماسك وادعيلها بالرحمه .. اللى بتعمله ده مش هيفيد بأى حاجه.
دنيا حبيبتى اصحى ي حبيبتى وانا هعملك اللى عايزاه هرجعلك ماما وهسيبك تتدخلى الكليه اللى عايزاه ارجعى ي حبيبتى انا بعمل كل ده علشانك انتى اللى ليا.
التحاليل اثبتت عكس كلامك وكمان شهادة الميلاد مزورة ودلوقتى انتى ي مدام متهمة بقضية تزوير في أوراق رسمية.
والله ي باشا هو اللى زورها .. حسبى الله ونعم الوكيل فيك ي حسام ربنا على الظالم .. مش هتشوف خير ابدا فى حياتك .
ساره عندى ليكى خبرين واحد حلو وواحد وحش للأسف.
قول الحلو طيب مسمعتش ولا خبر حلو من زمان ...
قدرت اثبت إنه الاستاذ هانى وقت الجريمة كان فى البيت عندى من خلال كاميرات المراقبه وبكده هياخد براءه وهيخرج النهارده إن شاء الله.
بجد ..! مش عارفه اشكرك ازاى ي خالد بجد .. ربنا يخليك ليا يارب ... طيب والوحش ؟
دنيا ...
مالها ..؟
انتحرت وتوفاها الله.
ازاى ده بجد ..!
حاولى تتماسكى .. المسكينة مستحملتش أبوها دمرها وهى مستحملتش وانتحرت .
انا عايزه اروح أشوفها ي خالد ... عايزه اكون معاها فى الوقت ده .
حاضر هاخدك ونروح .
حسام الراوى مش هيخسر ومش هييأس وهدمر الكل ومش هقف ابدا .. مهما حصل خطتى هتكمل وهم اللى هيخسروا لانى مبقاش عندى حاجه اخسرها .
ألو ..! منتصر نفذ المطلوب بكره الساعه 10 الصبح .
تحت امرك ي حسام بيه .
مش هنساكى ي دنيا انتى صحبتى الوحيده .. عيشنا مع بعض أحلى ايام ذكرياتك هتفضل دايما ملزمانى متأكده أنه ربنا هيرحمك ويدخلك الجنه كفاية العذاب اللى كنتى عيشاه فى الدنيا هتفضلى صاحبتى الوحيده واختى اللى طلعت بيها من الدنيا مش هصاحب حد تانى غيرك مكانتك فى قلبى مش هتتهز ولا هتتغير وهفضل أزورك علطول واحكيلك كل حاجه زى ما كنا متعودين لحد اليوم اللى هجيلك فيه الوادع ي أطيب قلب فى الدنيا ..
ألو ..!
ايوه ي حسام طمنى عليك .!
انا فى الطياره جايلك .. نص ساعه وهكون عندك.
وأنا فى انتظارك ي سيادة المستشار.
استاذ هانى ..!
نعم ي خالد ي ابنى .
أنا عايز اطلب منك طلب بس محرج شويه .. وحاسس إنه الوقت مش احسن حاجه بس الصراحه مش قادر استنى اكتر من كده.
قول ي ابنى ومتقلقش انا سامعك .
انا عايز اطلب أيد ساره من حضرتك ..؟
يبنى هو أحنا هنلاقى حد احسن منك فين كفاية وقفتك جمبنا
ومساعدتك لينا الفتره اللى فاتت دى كلها .. بس انت عارف ده رأي ساره فى الآخر ولازم اشوف رأيها.
أكيد ي عمى وأنا والله اتشرف إننا نكون عيلة وحده.
ساره .. ؟
نعم ي بابا .
خالد طالب إيدك ي حبيبتى أيه رأيك ..؟
موافقه ي بابا .
يعنى نقول مبروك .
مبروك علينا كلنا ي عمى وإن شاء الله ربنا يتممها على خير .
اهلا واحشنى ي راجل .
فيه حد معاك هنا ولا حاجه ي محيى ..!
لا مفيش غير اللى موجودين فى الطبيعى .
طب هات قهوة وتعالى نقعد نتكلم شويه فى المكتب .. هحيلك اللى حصل فايتك كتير .
اسبقنى وأنا جايلك.
يلا يعم القهوة اهى وبقينا لوحدنا .. احكى بقا.
انا مستنى مكالمه معرفش اتأخرت ليه كل ده المفروض كانت توصل من ربع ساعه.
مكالمة أيه .. قصدك مكالمة قتل نافع بيه ..!
أيوه .. ثوانى أنت عرفت ازاى ؟
حسام .. أنت نسيت نفسك ولا أيه انت فاكر إنك الوحيد اللى بتعرف تلعب ؟ أنت عايش جوه لعبة اصلا وانت جزء منها.
محيى قصدك أيه بالكلام ده ..! وفين ابنى ..! انطق بدل ما اخلص عليك ...
اهدى بس كده ي راجل ميبقاش خلقك ضيق كده ... اقعد وأنا هحكيلك كل حاجه ...
بص ي سيدى أنت متراقب فى كل خطوه بتعملها من البنت الشغاله عندك اللى كانت بتساعدك دى اسمها هدى بالمناسبة اسمها
الحقيقى سهام صحيح مقدرتش تعرفنا بخطوة صفقة الآثار اللى لبستها لسعاد مراتك واتعاقبت عليها واخدت رصاصتين وماتت بس باقى خطواتك كلها كانت مكشوفه لينا وكنا بنلعب بيك وأنت كنت فاكر إنك اللعيب الوحيد بالمناسبة متزعلش اوى على بنتك دنيا ربنا يرحمها يارب قطعت قلبى بس للأسف هى مش بنتك أصل سعاد مراتك كانت بتحب حد تانى وكانت بتخونك معاه بس يلا خدت جزائها واتسجنت بس حتى الواد ده مش ابنك ده ابن نافع بيه انت اصلا مبتخلفش ي حسام وكلنا عارفين بس انت الوحيد اللى متعرفش سميحة كانت بتقضى وقت مع نافع بيه زى ما كانت بتعمل معاك بالظبط بس كان بالتهديد ومكانتش تعرف إنه ده ابن نافع بيه بردو لأنها قالت ده راجل عجوز لكن انت اللى شباب لسه وفعلا انت صدقت وحاربت وضيعت كل حاجه علشان الواد اللى هو مش ابنك انت عارف ي حسام انت صعبان عليا ولسه هتصعب عليا أكتر لما تعرف إنه القهوة اللى شربتها آخر قهوة هتشربها فى حياتك انت عضيتهم ي حسام لكن الاسود مش بتعض الاسود بتاكل الضحية ومبتخليش ليها أثر اللعبة هتبقا ممله من غيرك سلام.
لعبة السلطه بحر ملوش آخر مهما كان اسمك ومهما كانت قوتك ونفوذك فأنت مجرد دور وجزء منها وليك يوم ودورك هينتهى وكل لما تعلى بسرعه اعرف انه نهايتك قريبة .. السلطة قادره تديك كل حاجه وترضى غرورك لأقصى درجة وفى لحظه تسحب منك كل حاجه وتكسر غرورك وتندمك أشد ندم فى الحياة علشان كده لما تدخل الغابة متحاولش تبقى أسد لأنه الكل بيكون عينه على السلطة.